Ашәарҭадара агәаҭара

Жәларбжьаратәи аҳаирбаӷәаза Аҟәа ашәарҭадара ахылаԥшра мҩаԥысуеит 15.10.2024 аҟнытә № 101 «Атәылауаҩратә авиациа аҳаирбаӷәазақәа рыҟны аԥырраԥхьатәии аԥыррашьҭахьтәии агәаҭарақәа рымҩаԥгара аԥҟарақәа» Аԥсны Аҳәынҭқарра авиациатә ԥҟарақәа рышьақәырӷәӷәаразы» Аԥсны Аҳәынҭқарра Афымцамчи атранспорти рминистр Идҵа инақәыршәаны (анаҩс – адҵа  № 101).

Апассаџьырцәа ршәарҭадара алыршаразы ашьҭԥраара атерминал аҩналараан имҩаԥгахоит аҭааҩцәа зегьы заатәи ргәаҭара, уахь иаҵанакуеит  аметаллдетекторқәа рыбжьысра, арентгентелехәаԥшратә шьақәыргыламҭақәа рхархәарала амаҭәақәа ргәаҭара, ианаҭахха иацҵаны агәаҭара. Арҭ ауснагӡатәқәа аҳаирбаӷәазаҟнеиԥш, аҳаиртә ӷба аҩныҵҟагьы ашәарҭадара алыршара ирзынархоуп.