Атерминал аҟазшьарбагақәа

Аҳаирвокзалтә комплекс ахыбра ҿыцқәа аусура иаларгахаанӡа апассаџьырцәа рымаҵ аура мҩаԥыслоит аамҭалатәи атерминал аҟны, аужьратә лшарас иамоуп сааҭк 160-ҩык апассаџьырцәа. 

Иҿыцу аҳаирвокзалтә комплекс аргылара анаҩс аҩадатәи ахәҭаҟны хазы игылоу ахыбрақәа рыҟны иҟоу ааиреи ашьҭыԥраареи рзалқәа, иара убас автомашьынақәа рзы аргыларҭақәеи аангыларҭатә комплексқәеи ахьыҟоу авокзал иаԥну ашҭа змоу аҳаирбаӷәаза сааҭк аҩныҵҟала 400-ҩык апассаџьырцәа рымаҵ аура алшоит. Абри аамҭазы аҳаирбаӷәаза аужьратә лшара иартәоит шықәсык 1 млн пассаџьыр иреиҵамкәа.